Actualités en continu
Soyez constamment à jour !
Zréckstellen
Konscht & Kultur
Kulturell engagéiert? Proposéiert äre Kandidat!
Dir kennt eng Persoun, déi sech mat vill Passioun am kulturelle Beräich engagéiert? E Jonke mat engem aussergewéinlechen Talent? Oder een, deen aktiv eppes zum kulturelle Liewen an der Gemeng bäidréit?De Schäfferot vun der Gemeng Nidderaanwen vergëtt vun elo un all Joer follgend Präisser:• Kulturpräis• Jugend-Kulturpräis (fir Persounen ënner 26 Joer)Geéiert ginn Engagementer an de Beräicher Konscht, Musek, Theater, Literatur, Danz, Film, Fotografie oder d’Erhale vum kulturelle Patrimoine – op lokalem, regionalem, nationalem oder internationalem Plang.De Kandidat muss net zwéngend an der Gemeng wunnen. Viraussetzung fir de Präis ass awer ee kloere Lien mat der Gemeng.Schéckt Är Propositioune bis den 1. Dezember 2025!Save the date: D’Zeremonie fir d’Iwwerreechung vum Kulturpräis wäert Donneschdes, den 22. Januar 2026 stattfannen.Fir méi Informatiounen: Mme Michelle Bingen (michelle.bingen@niederanven.lu / Tel.: 34 11 34 - 40) Verëffentlecht den 2025-11-07
Gemengeliewen
