Am Kader vun eiser Rees duerch déi europäesch Partnerstied vum Douzelage, besiche mir dëst Kéier déi sonneg Stad Preveza am Nordweste vu Griicheland. Mat ongeféier 21 000 Awunner läit Preveza am südlechen Deel vun der griichescher Provënz Epirus an ass gläichzäiteg d’Haaptstad vun der Regioun mam selwechten Numm. D’Stad läit pitoresk op enger Hallefinsel tëscht dem Ionësche Mier an dem Ambrakesche Golf. Eng Mieresstrooss vu ronn 600 Meter breet trennt si vun der méi südlech geleeëner Uertschaft Actio, an och vum no geleeëne regionale Fluchhafen, dee regelméisseg vun Athen aus ugeflu gëtt.

Déi schmuel Gassen, mat hire schéin dekoréierten Hausdieren, lueden op ee gemittlechen Tour duerch de Stadkär an. Vill Caféën an Taverne mat regionaler Kichen, déi och vu verschiddene Kulture beaflosst sinn, empfänken Awunner a Visiteuren a bidden eng häerzlech Atmosphär.

Eng Rei Kierchen aus der byzantinescher Zäit kënne besicht ginn, dorënner d'Kier Agios Charalampos, déi mat hire wonnerschéinen Detailer a mat Gold verzéierten Elementer beandrockt. Och d’Kierch Agios Athanasios ass e Besuch wäert a fält duerch dee impressionnanten Holzplafong op.

Zu de wichtegste Plaze gehéieren och d’Festung Agios Andreas am Stadkär, d’Schlass Pantokrator, den Auerenturm, d’Festung Laskara an och verschidden Härenhaiser a Gebaier am venezianesche Stil.

Wéinst hirer besonnescher geographescher Lag ass Preveza vu ville Stränn ëmginn, déi meescht dovun natierlech nach onberéiert. D’Auswiel ass grouss genuch, fir datt sech d’Visiteuren gutt verdeele kënnen. Zu de beléifste Stränn zielen Kiani Akti, Paralia Alonaki a Mytikas.

Fir d'Geschichtsfrënn ass et interessant ze wëssen, datt Preveza schonn am Joer 1292 an der Chronik vu Morea ernimmt gëtt. Am Laf vun hirer beweegter Geschicht stoung d’Stad ënnert der Herrschaft vun de Venezianer, de Fransousen, den Osmanen, de Bulgaren an esouguer de Goten. D’Befreiung vun der leschter friemer Herrschaft, där vun de Fransousen, ass am Joer 1912 geschitt, wéi d’Stad dem griichesche Staatsgebitt ugeschloss gouf.

Et ass dofir net iwwerraschend, datt d’Ëmgéigend vun der Stad e puer wichteg historesch Stätte beherbergt. Dozou gehéiert och déi antik Stad Nikopolis, déi nëmmen e puer Kilometer méi nërdlech läit. Hir Grënnung geet op d’Seeschlacht vun Actium am Joer 31 v.C. zeréck, an där de réimesche Konsul Octavian géint de Marcus Antonius an d'Kleopatra vun Ägypte gekämpft huet.

- Text: Dietmar DUMLICH

Fáilte go Bun Dobhráin (Wëllkomm zu Bundoran!)

Eis Partnerstad Bundoran läit an der Grofschaft Donegal am Nordweste vun Irland, un der Atlantikküst. Dës bekannt Plaz fir schwammen ze goe bitt eng beandrockend Küstelinn, déi Visiteuren aus der ganzer Welt unzitt.

Mat knapp 2.600 Awunner ass Bundoran eng kleng, mee lieweg Gemeng. D’Awunner si bekannt fir hir Gastfrëndlechkeet an hir Häerzlichkeet. Bemierkenswäert ass, datt Bundoran direkt beim sougenannten Irish Bottleneck läit. Op dëser Plaz ass d’Gebitt vun der Republik Irland nëmme sechs Kilometer breet, an et gëtt dacks vun deenen duerchquiert, déi aus dem Westen an d’County Donegal reese wëllen, ouni dobäi Groussbritannien ze betrieden.

Eng Auswiel u flotten Attraktiounen

Trotz senger Gréisst bitt Bundoran eng grouss Auswiel un Aktivitéiten an Attraktioune fir Visiteuren vun all Alter. De Bundoran Beach, e breede Sandstrand, huet der Stad den Titel Surf-Haaptstad vun Irland abruecht. Hei kann een ideal surfen, schwammen oder sech an der Sonn entspanen. D’Klippe laanscht d’Küst bidde beandrockend Ausblécker op den Atlantik a si perfekt fir Spadséiergäng a Wanderungen. Och den Tullan Strand, e bëssen ausserhalb vum Stadgebitt, ass eng beléifte Surfdestinatioun.

Fir Familljen ass de Bundoran Adventure Park eng populär Attraktioun mat vill Spiller an Ënnerhalung fir Grouss a Kleng. Waterworld Bundoran, en Indoor Aqua Park, direkt un der Küst, bitt Rutschen a vill aner Waasserattraktiounen.

Fir Naturfrënn ass de Fairy Bridges and Wishing Chair Walk eng richteg Pärel. Hei fënnt een impressionant Fielsformationen an eng Landschaft, déi bis an d’Zäit vun den Druiden zeréckgeet. D’Fielsbrécken, déi vun de Leit Fairy Bridges genannt ginn, goufen de Folkloren no vu Feeë bewunnt.

Nieft de Fairy Bridges steet de Wishing Chair, wou ee sech – esou seet d’Traditioun – eppes wënsche kann a seng Wënsch do an Erfëllung ginn.

Ronn sechs Kilometer vu Bundoran ewech läit d’Kinlough Monastery, eng Klosterruin aus dem 6. Joerhonnert, déi en Abléck an d'Geschicht vun Irland gëtt.

E Räichtum u Kultur a Geschicht fir ze entdecken

Bundoran huet eng räich kulturell Geschicht, déi bis an d'18. Joerhonnert zeréckgeet, wéi d’Stad als Kuruert bekannt gouf. D’Heelkraaft vun der Mieresloft an dem Mierwaasser huet vill Leit ugezunn, déi Erliichterung fir hir Péng gesicht hunn. Dës Traditioun lieft bis haut weider, well Bundoran nach ëmmer eng beléifte Plaz fir Erhuelung ass.

D’Stad ass d'Heemecht vu ville kulturellen Eventer a Festivaller. D’Sea Sessions Surf and Music Festival am Summer zitt vill Visiteuren un, déi Live Musek, Surfwettkämpf a Strandfestivitéite genéissen.

De Rory Gallagher International Tribute Festival, Enn Mee zu Ballyshannon, gewidmet dem berühmten irësche Blues Gitarrist, ass en anert Highlight. Bundoran ass och fir seng traditionell irësch Musek a säi folkloristeschen Danz bekannt. An de lokale Pubs an Eventlokaler gëtt reegelméisseg Live Musek gespillt, wou Visiteuren déi lieweg Kultur vun Irland no erliewe kënnen.

Bundoran ass eng Stad, déi mat hirer natierlecher Schéinheet an hire kulturelle Richessë beandrockt. Mat hirer häerzlecher Atmosphär, de ville Méiglechkeeten an hirem dynamesche kulturelle Liewen ass dës Stad e ganz besonnescht Zil fir eng Rees op Irland.

- Text: Dietmar DUMLICH

Fir d'Gebuertsdagfeier zu Malta

Am Kader vun eiser Iwwersiicht iwwer déi europäesch Partnerstied vun der Douzelage fuere mir aus engem ganz besonnesche Grond an de Süden vum Mëttelmier méi genee op Marsaskala op der sonneger Insel Malta.

Wéi am leschte Nummer vum NEIES ernimmt wäert Marsaskala d'Generalversammlung vun der Douzelage vum 3 bis den 6 September 2026 empfänken grad richteg fir den 50. Anniversaire vun eisem europäesche Partnerstied‑Netzwierk ze feieren.

Eng mediterran Atmosphär

Marsaskala läit am Südoste vun der Haaptinsel Malta dank hirer Lag un der mediterraner Küst gëtt si souwuel vun den Awunner wéi och vun de Visiteure geschätzt d'Gemeng läit ongeféier 10 Kilometer südlech vu Valletta der Haaptstad vu Malta an iwwerzeegt duerch hir idyllesch Bucht an hir entspaant Atmosphär.

Mat enger Bevëlkerung vun ongeféier 13 000 Awunner war Marsaskala schonn an der réimescher Zäit bewunnt mee si war am Mëttelalter dacks Zil vu Piraterei 1614 ass eng tierkesch Flott mat 60 Schëffer do gelant an huet eréischt mat Schwéierkheet vun de Ritter vum Uerde vum hellege Johann ofgehale kënne ginn als Folleg vun dësem Evenement ass d'Festung Saint Thomas Tower gebaut gi fir d'Stad ze schützen dëst markant Monument huet bis an den Zweete Weltkrich als Prisong gedéngt.

Mat der Zäit huet d'Gemeng sech zu engem liewegen Zentrum vum Tourismus an dem Handel entwéckelt deem seng Bevëlkerung an de Summerméint bal verduebelt seng vill Buchten a Plagen erlaben ze schwammen an ze dauchen.

Vill Attraktiounen

Nieft der Küst déi zum Schwammen zum Dauchen an zu Bootstour aluet ass d'Bucht vu Marsaskala mat hiren ugeluechte Luzzu Fëscherbooter an der Promenaden déi Haaptattraktioun vun der Gemeng vun der Promenaden aus kann een d'Salinen bewonnere wou Salz duerch d'Verdampfung vum Mierwaasser gewonne gëtt d'Bucht ass vu klenge Restauranten ëmgi wou d'Visiteuren déi mediterran Kiche genéisse kënnen.

Zu de weideren Attraktioune gehéiert de Mamo Tuerm deen 1657 gebaut gouf

Déi al befestegt Residenz vun enger räicher Famill huet de Plang vun engem Andreas Kräiz.

Kulturinteresséiert Persoune kënnen eng Rei Kierchen a Kapellen besichen dorënner d'Paräischkierch S. Anne déi 1953 am neoklassesche Stil gebaut gouf souwéi d'Kapellen S. Anthony of Padua an Our Lady of the Rosary aus dem 17. an 19. Joerhonnert et lount sech och d'befestegt Anlage Briconet an Zonqor aus dem 18. an 19. Joerhonnert ze besichen.

Marsaskala lued och zu Ausflich an d'Ëmgéigend an ënner anerem an d'Saint Thomas Bucht eng beléiften Destinatioun fir Schwëmmer wéinst hirer niddreger Déift an der kenger Sandplage de Munxar Wee leeft laanscht pittoresk Kalkausfielsen.

Méi wäit am Süde lued de Naturpark Xrobb l Għaġin mat senge Reschter vun engem megalithesche Tempel sengem Fielsufer an dem Bléck op wäiss Kallekfielsen zu Wanderungen an zum Entdecken an de St Peter’s Pool en natierleche Becken mat türkisfaarwegem a kristallklorem Waasser dat an enger hufeisenfërmeger Fielsformation läit garantéiert onvergiesslech Schwamm Momenter fir Jonk an Al.

- Text: Dietmar DUMLICH

Eisen direkten Noper

Am Kader vun eiser Rees duerch d'Partnerstied vun der Douzelage an Europa féiert eis den Tour haut an déi belsch Provënz Lëtzebuerg do läit eis Partnerstad Houffalize och wann den Ursprong vum Staatsnumm net ganz kloer ass kann een en op de franséische Begrëff haut falaise zeréckféieren dat gëtt duerch déi däitsch Bezeechnung Hohenfels an duerch déi Räichsfräies Ëmgéigend bestätegt mat e bëssen iwwer 5 000 Awunner läit dat rouegt Houffalize am Häerz vun den Ardennen ongeféier eng Stonn vun der lëtzebuergescher Haaptstad an eng hallef Stonn westlech vu Klierf ewech.

Eng beweegt Geschicht

Am Laf vun hirer beweegter Geschicht huet d'Stad no der franséischer Annexen Enn vum 18 Joerhonnert zum Departement des Forêts gehéiert no dem Wiener Kongress 1814/15 koum si un dat nei geschafte Groussherzogtum Lëtzebuerg fir duerno bei der belscher Revolutioun vun 1830 nees un d'Belsch zeréckzekommen am Zweete Weltkrich war d'Stad eng wichteg Plaz an der Ardennenoffensiv 1944/45 a gouf schwéier zerstéiert haut nach erënnert en däitsche Panzer deen an der Uert fonnt gouf an op der Place Saint Pair ausgestallt ass un dëst donkelt Kapitel vun der Geschicht

Déi typesch Postkaarteblécker

D’Stadzentrum vu Houffalize ass schéin ëmgi vun enger vun de ville Schleifen vun der Uert engem Niewefloss vun der Maas deem seng Quellen zu Houffalize zesummelafen et läit also op der Hand de Besuch vun der Stad mat engem Ausfluch an de Naturpark Deux Ourthes ze verbannen eng geschützt Zon vu 76 000 Hektar Bëscher a Landschaften déi zu Wanderungen a Vëlosfaarte alueden am Duerf Nadrin dat zu Houffalize gehéiert stéisst d’Uert abrupt op en enorme Schieferfiels 80 Meter héich an ongeféier ee Kilometer laang de Rocher du Héron ass eng geologesch Besonneschkeet an eng Attraktioun fir Wanderer vun uewen awer och vum Belvédère vu Nadrin aus kënnen Héichteschter déi Uert déif ënnen gesinn oder de Bléck an d’Ferne schweife loossen eng aner Curiositéit sinn d’Iwwerreschter vum Meuse Moselle Kanal fir de Warentransport an sengem Räich ze vereinfachen huet de Groussherzog Guillaume den Éischten vun Orange Nassau 1827 decidéiert d’Beck vun der Maas an der Musel duerch e Kanal ze verbannen deen de Flëss Uert a Woltz tëscht Léck a Waasserbëlleg nogeet d’Aarbechte vum Bernistap Tunnel 2 Komma 5 Kilometer laang an deem seng Entrée ka besicht ginn hunn 1828 ugefaangen mee goufen duerch d’Onofhängegkeet vun der Belsch ënnerbrach an hunn d’Wierk onfäerdeg hannerlooss am Stadkär um Bord vun der Uert steet d’réimesch kathoulesch Kierch Sainte Catherine d’Alexandrie déi der Märtyrerin aus dem véierte Joerhonnert geweit ass an am 13 Joerhonnert am primitive gotesche Stil vun Augustiner Chanoine gebaut gouf si beherbergt eng aussergewéinlech Kanzel an Adlerform mat ausgebreeten Flilleken déi 1370 vu Goldschmidden aus Dinant gegoss gouf et lount sech och en Ofstiech bei den Tuerm vun der aler Saint Urbain Kierch zu Dinez ze maachen deen an engem Kierfecht op engem pittoreske Bierg steet souwéi bei d’Kapell Notre Dame mat hirem Zwiebel Tuerm aus dem 17 Joerhonnert.

- Text: Dietmar DUMLICH

© Ardennes Résidences

Siret, Vorbești româna? (Siret schwätzt Dir Rumänesch?)

Geleeën an der nordëstlecher Eck vu Rumänien, an der malerescher Regioun Bukowina, déi fir hir bemoolt Holzkléischter a Kierchen bekannt ass, läit eis rumänesch Douzelage Partnerstad Siret nëmmen zwee Kilometer vun der ukrainescher Grenz ewech. Siret ass eng vun den eelste stiedleche Siidlunge vu Rumänien a weist e räicht historescht Ierwen op. Mat senge sechstausendsiwenhonnert Awunner gëtt d'Stad am Joer dausenddräihonnertneienanddreisszeg fir d’éischt an historeschen Dokumenter als russesch Stad an der Walachei ernimmt. Spéider gouf si zur historescher Haaptstad vum mëttelalterleche Fürstentum Moldawien. Um Kräizpunkt vu russeschen, osmaneschen a westlechen Aflëss geleeën, ass d’historesch a politesch Entwécklung vu Siret bis an déi rezent Zäit turbulent bliwwen. Am Joer siwwenzénghonnertsiwwenzeg gouf d'Stad vun der kaiserlech russescher Arméi besat, duerno méi wéi ee Joerhonnert laang vun Éisträich Ungarn regéiert, an no dem Zweete Weltkrich huet Siret véierzeg Joer laang ënner engem sozialistesche Regime gelidden, bis den Diktator Ceaucescu am Joer dausendnénghonnertnénganachtzeg vun der rumänescher Bevëlkerung verjot gouf.

E Bléckfang an der Regioun

Wéinst hirer strategescher Lag um Floss Siret an un der Grenz mat der Ukraine huet d'Stad ëmmer eng wichteg Roll an der regionaler Wirtschaft, am Handel an an der Kultur gespillt. Obwuel d’Bevëlkerung haaptsächlech rumänesch orthodox ass, steet am Zentrum eng réimesch kathoulesch Kierch, déi fréier der däitscher Gemeinschaft vu Bukowina gehéiert huet. Weider Sehenswierdegkeete sinn d’Dräifaltegkeetskierch, eng vun den eelsten am Land aus dem Joer dausenddräihonnertfënnefanzwanzeg, eng schéi griichesch kathoulesch Kierch mat enger gestreifter Fassad, e jiddeschen Tempel an den ale Garegebai. Den haitege Gare Vicșani déngt als Grenzkontrollpunkt fir den Zuchverkéier tëscht Rumänien an dem Transitgare Vadul Siret op der ukrainescher Säit. Hei gëtt d’Schinnesystem vun der Normalspur op rumänescher Säit op déi breet Spur no russeschem Virbild ëmgestallt, wat e weidere Transport vu Persounen a Wueren ouni Ëmklammen erméiglecht. Zu de bekannte Perséinlechkeeten, déi zu Siret gebuer goufen, zielen de jiddesche Schrëftsteller a Journalist Leo Katz, d’rummänesch däitsch Dichterin Elisabeth Axmann, den ukrainesche Poet Mykhailo Ilkovych an den Äerzbëschof Victorin Ursache.

E geschätzte Partner fir d’Initiativ Road to Ukraine

Am Juni zweedausendvéieranzwanzeg huet d'Stad Siret eng entscheedend Roll am Projet Road to Ukraine gespillt, wéi e private lëtzebuergescht Transportunternehmen zwee Klengbusser gespent huet, fir humanitär Hëllef an d’Stad Kamenets an der Ukraine ze bréngen. Zesumme mat aneren Douzelage Stied ass d’Ekipp vun Nidderanwen aus mat zwee Busser bal nénganzwanzeg honnert Kilometer bis bei hiren Destinatioun gefuer an huet dobäi Däitschland, Éisträich, Ungarn a Rumänien duerchqueeschert. D’Ekipp gouf vum Douzelage Team vu Siret häerzlech empfaangen an ënnerstëtzt, fir hiert Zil an der Ukraine z’erreechen. Als Resultat vun dësem aussergewéinlechen Asaz wäerten déi zwee Klengbusser an Zukunft dozou bäidroen, d’Grondbedierfnesser vun de Leit zu Kamenets ze decken, dorënner eelere Mënschen, Kanner a sozial schwaach Gruppen. D’Bäiträg vun de Leit vu Siret zu dësem Projet sinn e staarkt Zeeche fir de liewege Geescht vun Zesummenhalt a Solidaritéit tëscht de Douzelage Stied. Si schafen eng Bréck tëscht de Kulturen a féieren d’Mënschen an engem Klima vu Fridden a géigesäitegem Respekt zesummen.

- Text: Dietmar DUMLICH

Meerssen, eng verstoppt Perle an der Provënz Limburg

Am Kader vun der Serie Eis Partnerstied vun der Douzelage duerch Europa huele mir Iech dës Kéier mat an d’Nidderlanden, an d’Stad Meerssen. Geleeën am Südoste vun den Nidderlanden, nëmme e puer Kilometer nërdlech vu Maastricht, ass Meerssen zanter der Virgeschicht bekannt. D’Géigend war schonn an der réimescher Zäit bewunnt a gouf och vum Keeser Karl dem Groussen besicht.

Eng eenzegaarteg Stad mat engem räiche geschichtleche Vergaangen

D’Stad, déi haut e bëssen ënner fënnefdausendsiwenhonnert Awunner huet, verdankt hir Bekanntheet dem Traité vu Meerssen, deen hei am Joer achthonnertsiwwenzeg ënnerschriwwe gouf an d’Opléisung vum karolengesche Räich besigelt huet. Meerssen ass e beléifte Pilgerort. Säin Haaptsehenswierdegkeet, d’Basilika vum Hellege Sakrament, Basiliek van het Heilig Sacrament, beandrockt d’Visiteuren duerch hir Dimensiounen an hir räich Architektur. De Park vun der Propstei ass dat gréngt Häerz vu Meerssen, mat engem elegante Spadséierpark, ale Beem, engem Waasserfall an engem klenge Téihaus. Déi pittoresch Däller vun der Maass an der Geul, déi charmant Schlassanlagen, déi al Bauerenhäff a variéiert Natur präge Landschaft ronderëm Meerssen. Hei fënnt een ënner anerem de steilste Bëschhang vun den Nidderlanden, al réimesch Wéngerten an d’Schlass Geulle aus dem Joer dausendsiwwenhonnertzwanzeg mat enger historescher Waassermillen.

Fir ze flanéieren an ze genéissen

Hautdesdaags besicht een Meerssen och wéinst senge frëndleche Stroosse Caféen um Maartplaz, senge ville Geschäfter, sengem räiche kulturelle Patrimoine an den onzielege Wander an Vëlosweeër an der natierlecher Ëmgéigend. Um Bord vun der Geul ass no dem Zweete Weltkrich eng eege kënschtleresch Beweegung entstanen, d’Ecole de Meerssen. D’Wierk vun hirem bekanntste Vertrieder, dem Charles Eyck, dausendachthonnertsiwwenzegsiwen bis dausendnénghonnertdräianachtzeg, huet international Unerkennung fonnt.

D’Nohaltegkeet als Prioritéit

Meerssen ënnerscheet sech och duerch säin Engagement fir nohalteg Entwécklung, wat seng Opnam an déi éischt honnert Green Destinations an de Joren zweedausendzwanzeg an zweedausendenganzwanzeg beweist. D’Stad gehéiert domat zu de nohaltegste Gemengen an den Nidderlanden.

Zanter dem Ufank un eiser Säit

Meerssen ass e stolze Grënnungsmember vun der Douzelage. Zanter dausendnénghonnertéénanzwanzeg huele Vertrieder vu Meerssen aktiv un de Reunioune vun der Douzelage deel a droen zu engem reegelméissegen an opbauende Austausch an der Famill vun de Partnerstied bäi. Déi besonnesch Bezéiung tëscht eise Gemengen huet sech nach eng Kéier bestätegt bei der Douzelage BeNeLux Reunioun am Mäerz hei zu Nidderanwen, un där och eis belsch Partnerstad Houffalize deelgeholl huet.

- Text: Dietmar DUMLICH

ENG REES DUERCH D’PARTNERSTIED VUM DOUZELAGE

Als Douzelage Team hu mir eis virgeholl, Iech an all Editioun vum Gemengeblat mat an eng aner Memberstad vun dëser europäescher Stiedepartnerschaft ze huelen. Deel vum Douzelage si Stied aus allen EU Länner a Groussbritannien. Dës Kéier geet et dann och direkt schonn an eng ganz besonnesch Stad…

Entdeckt mat eis Sherborne

Sherborne ass eng kleng Stad an der Regioun Dorset am Südweste vun England. Mat ronn zéngdausend Awunner läit d'Stad um Floss Yeo, ongeféier annerhallef Stonn mam Auto westlech vu Southampton an eng Stonn südlech vu Bristol.

Eng eenzegaarteg Stad mat enger historescher Vergaangenheet

Sherborne zielt zu deenen eelste Stied an England, an hir Geschicht geet bis an d’siwent Joerhonnert zréck. D’Stad war e wichtegt reliéist Zentrum vum angelsächsesche Kinnekräich an England an ass bekannt fir d’Sherborne Abbey, déi am Joer siwenhonnertfënnef vum Bëschof St. Aldhelm gegrënnt gouf. Si ass e beandrockend Beispill fir déi gotesch Architektur vu Südengland. D’Abtei gouf am Joer dausendfënnefanzwanzeg zu engem Benediktinerklouschter an ass haut eng anglikanesch Parkierch, an där och de bekannte Poet Thomas Wyatt begruewe läit.

Vun touristeschem Interêt ass och d'Sherborne Castle, en Tudor Härenhaus aus dem siwwenzéngte Joerhonnert, dat op de berüümten Entdecker a Schrëftsteller Sir Walter Raleigh zréckgeet. D’Gebai ass fir d’Ëffentlechkeet zougänglech, an hei fënnt een eng Sammlung u Konschtwierker, Miwwelen an Erënnerungsstécker aus der Raleigh Famill.

Sherborne huet och verschidde Schoulen, dorënner d'Sherborne School, en onofhängegt Internat fir Jongen, dat am Joer dausendfënnefanzwanzeg an de Gebailechkeete vun der Abtei nei gegrënnt gouf. D’Schoul huet eng Rei bekannte Schüler ervirbruecht, dorënner de Schrëftsteller John le Carré an de Schauspiller Jeremy Irons.

Kleng Stad mat grousse Visiounen

Sherborne ass eng lieweg a kulturell Stad, mat engem Musée, deen der Geschicht an dem Liewen zu Sherborne gewidmet ass, enger Konschtgalerie, déi lokal an national Kënschtler ausstellt, souwéi engem Theater. D’Stad organiséiert verschidde Festivallen am Laf vum Joer, wéi beispillsweis de Sherborne Literary Festival, de Sherborne Abbey Festival, d'Sherborne Castle Country Fair, de Sherborne International Music Festival an aner kulturell Evenementer, déi d’Stad zu engem attraktiven Treffpunkt fir Kulturfrënn maachen.

Kleng Stad mat grousse Visiounen

Sherborne ass eng lieweg a kulturell Stad, mat engem Musée, deen der Geschicht an dem Liewen zu Sherborne gewidmet ass, enger Konschtgalerie, déi lokal an national Kënschtler ausstellt, souwéi engem Theater. D’Stad organiséiert verschidde Festivallen am Laf vum Joer, wéi beispillsweis de Sherborne Literary Festival, de Sherborne Abbey Festival, d'Sherborne Castle Country Fair, de Sherborne International Film Festival an d’Pack Monday Fair. D’Stad huet och eng sëlleg Geschäfter, Caféen, Restauranten a Pubs, déi fir all Goût eppes bereet halen.

Mee Sherborne ass net nëmme fir säi räicht Liewen bekannt, mee och fir säin Engagement fir d’Nohaltegkeet. D’Stad huet sech d’Prinzipie vun der Transition Town Beweegung zu eege gemaach an ass enger grousser Communautéit bäigetrueden, déi sech der Fërderung vun der Resilienz an der Reduzéierung vun hirem CO2 Foussofdrock verschriwwen hunn. Entspriechend setzt Sherborne op méi Selbstversuergung a regional Léisungen, virun allem an de Beräicher Liewensmëttelproduktioun an Energieverbrauch, a bestätegt domat säin Engagement, Erausfuerderungen am Beräich vum Klimawandel op eng innovativ Aart a Weis unzegoen.

- Text: Dietmar DUMLICH

© Sherborne Abbey