D’Gesetz vum 23. August 2023 iwwert d’interkulturellt Zesummeliewen gesäit vir, datt an all Gemeng eng „Berodungskommissioun gegrënnt gëtt, mat ënnert aneren der Aufgab, d’interkulturellt Zesummeliewe vun all de Leit, déi an der Gemeng wunnen a schaffen ze fërderen. Den Artikel 9 vum Gesetz definéiert d'Aufgabe vun der Kommissioun fir Interkulturellt Zesummeliewen.

D’Kommissioun fir Interkulturellt Zesummeliewe fërdert de Versteesdemech a Respekt vun alle Kulturen a Sproochen, onofhängeg vun hirer Hierkonft. Eist Zil ass et, d'Zesummeliewen an der Gemeng ze stäerken – fir laangjäreg Awunner, nei Bierger an och Grenzgänger wärend mir géint all aktiv all Form vun Diskriminéierung, Rassismus a Virurteeler virginn.

Mir organiséieren eng Rei Projeten, fir Iddien auszetauschen, Kulturen ze deelen a Bezéiungen opzebauen.

Eisen aktuelle Schwéierpunkt läit op der Ëmsetzung vum „Gemengepakt“. Dës Initiativ geschitt an enker Zesummenaarbecht tëscht der Gemeng, dem SYVICOL an dem Ministère fir Famill, Solidaritéit, Zesummeliewen a Accueil. Zil ass et, en dynamesche Prozess iwwer méi Joren opzestellen, deen effektiv Kommunikatioun, Zougang zu Informatiounen an aktiv Matbestëmmung fir jidderee prioritär mécht.

(Foto - vu lénks ënne bis riets uewen: Margaretha Inghelram-Maeyens (Presidentin), Pierre Welter, Georges Paquet, Philippe Bayer (Vize-President), Hon Pan Luk, Jil Steyer, Franco Avena, Andreea Bran, Tigran Avanesov, Jean-Pierre Barthel, Leonardo Vasquez; Absent: Martina Furlan, Geeta Rajaraman, Danièle Levy, Rose Scharfe, Stéphanie Land, Lourdes Calzado)

D’Kommissioun fir Interkulturellt Zesummeliewen organiséiert eng Villzuel u Manifestatiounen, bei deenen d’Awunner sech kënnen engagéieren:

• Sunday Brunch: Reegelméisseg Treffen, wou d’Awunner e Plat matbréngen, fir eng gemittlech a gemeinschaftlech Atmosphär ze schafen.
• Nopeschfest: Deel vum Europäeschen Nopeschfest, wou d’Awunner Fotoen eraschécke kënnen, fir flott Präisser ze gewannen an de Gemeinschaftsgeescht ze stäerken.
• Sproochecafé: Ugefaangen als Lëtzebuergesche Sproochenaustausch, a mëttlerweil erweidert duerch Däitsch, Englesch, Spuenesch, Franséisch, Portugisesch, Chineesesch an aner Sproochen. D’Sprooche léiere gëtt esou interaktiv a spannend.

Wéi kënnt Dir matmaachen?
Maacht mat bei eisen Aktivitéiten oder gitt Member vun eisem OrganisatiounsTeam. Fir méi Informatioune schéckt eis eng E-mail.

Iwwer d'Noperschaftsapp HOPLR kënnt Dir mat Ären Noperen a Kontakt trieden. Vill nëtzlech Informatioune fannt Dir och am Biergerguide vun der Gemeng Nidderaanwen.