Réckbléck op 4 Deeg Hueschterter Kiermes!
Vum 18. bis 21. Mee war zu Ueweraanwen bei der Gemeng eng weider lass. Kuckt Iech déi flott Fotoe vun der Kiermes un!
De SIAS huet zesumme mat senge véier Grënnungsmembere Conter, Sandweiler, Schëtter an Nidderaanwen de 7. Mee 2023 den 1. regionale Klimadag organiséiert. Am Recyclingzenter Minsbech sinn d'Visiteure vun 10h30 bis 18h00 méi iwwert d'Klima a seng Verbindunge mat Energie, Ressourcen, Kreeslafwirtschaft a Landwirtschaft gewuer ginn. Iwwert de ganzen Dag goufe flott Ateliere fir all Alter, live Virträg, interaktiv Stänn, e Repair Café an Opféierunge fir Kanner ofgehalen.
Fotoe vum Fotoclub Gemeng Nidderaanwen
De Samschden, 13. Mee, huet de Schäfferot, zesumme mat der Police Lëtzebuerg, op d’Straussfeier vum neie Policegebai zu Nidderaanwen invitéiert. A Presenz vum Här Minister fir bannenzeg Sécherheet, Henri Kox, gouf de Projet vum Policegebai, dat an Zukunft d’Gemengen Nidderaanwen, Betzder, Schëtter, Sandweiler a Conter couvréiert, virgestallt an eng Visitt duerch d’Raimlechkeeten ënnerholl.
De Samschden, 13. Mee, hu mir eis am Kader vun der Nuit du Sport um Komplex Am Sand zesumme fonnt, fir de Verkéiersgaart anzeweien. Vun elo u kënnen d'Kanner op eng sécher a spilleresch Aart a Weis d'Notzung vum Vëlo am ëffentleche Stroosseraum léieren. De Verkéiersgaart ka vun der Schoul, der Maison Relais, mee awer och privat genotzt ginn.
Réckbléck op den NaturPakt Dag, de Freiden, 5. Mee, zu Beetebuerg, wärend deem mir eist Zertifikat iwwerreecht kruten. Mir hunn iwwer 40% vun de Mesuren emgesat a steieren elo motivéiert op déi nächst Zertifizéierung duer!
