De Schäfferot
Haut op vun 08h00 -14h00 (ouni Ënnerbriechung)
D'Missioune vum Schäfferot
De Schäfferot ass och zoustänneg fir d’Opstelle vun der Dagesuerdnung fir d'Gemengerotssëtzungen. Des Weidere ass en zoustänneg fir d'Ausféierung vu Gesetzer, Reglementer a groussherzoglech a ministeriell Dekreeter, déi d'Police net betreffen. De Schäfferot ass ausserdeem déi reguléierend Kraaft am Noutfall.
De Schäfferot ass responsabel fir d'Ausféierung vu Resolutiounen, dovun d'Iwwerwaachung vu kommunale Servicer an d'Astellung vu Salariéen. Donieft ass de Schäfferot och verantwortlech fir d'Administratioun vu kommunale Wunnengen an Aarbechten, déi finanziell Administratioun an d'Ausféierung vum Budget. De Schäfferot ass de Vertrieder vun der Gemeng viru Geriicht.
D'Ressorte vum Schäfferot
- Personal- a Gemengeverwaltung
- Sécherheets-, Gesondheets- an Noutfalldéngschter
- Educatioun, Kanner, Jugend a Weiderbildung
- Senioren an intergenerationnell Projeten
- Amenagement vum Territoire a Logement
- Kulten
- Kommunikatioun a Biergerbedeelegung
- Finanzen
- Klima an Energie, Waasser an Offall
- Natur an Ëmwelt
- Mobilitéit
- Integratioun an Zesummeliewen
- Kultur a Musek
- Jumelagen / Douzelage
- Economie (Commerce, Entreprisen, Horeca, Tourismus)
- Benevolat a Veräinsliewen
- Sport
- Chancëgläichheet a sozial Uleiessen
- Entwécklungshëllef
- Gemengegebaier
- Digitaliséierung
